Vasthu House Gives Speed Awesome Results.: కార్తీకమాసం అత్యంత పవిత్రమైన మాసం.

Thursday, 17 November 2022

కార్తీకమాసం అత్యంత పవిత్రమైన మాసం.

#కార్తీకమాసం అత్యంత పవిత్రమైన మాసం. ఈ మాసంలో చేసే ప్రతీ ఒక్కటి అత్యంత పవిత్రమైనదిగా ఉండాలి. అదేవిధంగ పూర్వీకులు పెట్టిన నియమాలను పాటించాలి. వీటిలో ప్రధానమైనది స్నానం, దీపం, జపం, దానంతోపాటు కార్తీకపురాణ పఠనం లేదా పారాయణం. దీన్ని పారాయణం చేసి దానిలోని మంచిని గ్రహించి నిత్యజీవితంలో అనుష్టించాలి. ఇదే మన పెద్దలు చెప్పిన విషయం. అయితే కార్తీక పురాణంలో ఏం ఉన్నది ఎన్ని అధ్యాయాలు అంటే.. మొత్తం 30 అధ్యాయాలు. వీటిలో ఏం ఉన్నదో సూక్ష్మంగా తెలుసుకుందాం…

◆ 30 అధ్యాయాలు◆
● 1వ అధ్యాయం – కార్తీక మాసం మహత్యం.
● 2వ అధ్యాయం – సోమవార వ్రత మహిమ.
● 3వ అధ్యాయం – కార్తీక మాస స్నాన మహిమ.
● 4వ అధ్యాయం – దీపారాధన మహిమ.
● 5వ అధ్యాయం – వనభోజన మహిమ.
● 6వ అధ్యాయం – దీపదానవిధి – మహత్యం.
● 7వ అధ్యాయం – శివకేశవార్చన విధులు.
● 8వ అధ్యాయం – శ్రీహరి నామస్మరణా ధన్యోపాయం.
● 9వ అధ్యాయం – విష్ణు పార్శద , యమ దూతల వివాదము.
● 10వ అధ్యాయం – అజామీళుని పూర్వజన్మ వృత్తాంతము.
● 11వ అధ్యాయం – మంథరుడు – పురాణ మహిమ.
● 12వ అధ్యాయం – ద్వాదశి ప్రశంస.
● 13వ అధ్యాయం – కన్యాదాన ఫలము.
● 14వ అధ్యాయం – ఆబోతును అచ్చుబోసి వదలుట (వృషోత్సర్గము).
● 15వ అధ్యాయం – దీప ప్రజ్వలనముచే ఎలుక పూర్వజన్మస్మృతితో నరరూపమందుట.
● 16వ అధ్యాయం – స్తంభ దీప ప్రశంస.
● 17వ అధ్యాయం – అంగీరసుడు ధనలోభునకు చేసిన తత్త్వోపదేశము.
● 18వ అధ్యాయం – సత్కర్మానుష్టాన ఫల ప్రభావము.
● 19వ అధ్యాయము – చతుర్మాస్య వ్రత ప్రభావనిరూపణ.
● 20వ అధ్యాయము – పురంజయుడు దురాచారుడగుట.
● 21వ అధ్యాయము – పురంజయుడు కార్తీక ప్రభావము నెరుంగుట.
● 22వ అధ్యాయము – పురంజయుడు కార్తీక పౌర్ణమీ వ్రతము చేయుట.
● 23వ అధ్యాయము – శ్రీ రంగక్షేత్రమున పురంజయుడు ముక్తినొందుట.
● 24వ అధ్యాయము – అంబరీషుని ద్వాదశీవ్రతము.
● 25వ అధ్యాయము – దూర్వాసుడు అంబరీషుని శపించుట.
● 26వ అధ్యాయము – దూర్వాసుడు శ్రీహరిని శరణువేడుట – శ్రీహరి హితబోధ.
● 27వ అధ్యాయము – దూర్వాసుడు అంబరీషుని ఆశ్రయించుట.
● 28వ అధ్యాయము – విష్ణు సుదర్శన చక్ర మహిమ.
● 29వ అధ్యాయము – అంబరీషుడు దుర్వాసుని పూజించుట – ద్వాదశి పారణము.
● 30వ అధ్యాయము – కార్తీకవ్రత మహిమ్నా ఫలశ్రుతి గురించి తెలియజేస్తాయి.

ప్రతిరోజు ఒక అధ్యాయం చదవడం, స్వామి జపం చేయడం, అధ్యాయంలో చెప్పినవాటిని ఆచరించే ప్రయత్నం చేయడం జీవన్ముక్తికి అత్యంత సులభమైన మార్గాలు.